L'era on bèll fiòr

Mi n'hoo mai vist come mì, cara gent
foeura de matt per ona bella tosa
ma gh' hoo de dì che hoo perdùu i sentiment
a vardàgh tropp i tètt in la camisa


L'era on bèll fiòr in d'ona pèll de vacca
l'era ona vacca e la pareva on fiòr
ona sanguètta che quand la se tacca
la te strepènnà e la te strascia el coeur


El ciel el gh'aveva dàa tanti ròbb
de brusà i man appenna vun i e tocca
ghe n'era insci che mi savevi no
savevi pù indove andà a puggià la bocca


L'era on bèll fiòr.....


On coo de ratt senza sentiment
senza cervèll e nanca spiritosa
ma per podè fà l'amòr basta nient
gh' è no bisògn de fà studià ona tosa


L'era on bèll fiòr.....


On dì l'è andada e la m' ha pientàa chi
el coeur consciàa de fà quasi vergògna
tucc i decòtt che m'è toccàa sorbì
inn no stàa bòn de famm passa sta rògna


L'era on bèll fiòr.....


Gh'hoo tiràa adrèe tanti malediziòn
ma adèss ormai l' hoo bèll e perdonada
anca se la m'ha lassàa sto pover coeur
consciàa e sbattùu come ona ressumada


L'era on bèll fiòr.....



(Svampa-Brassens)



Ciao Ciao.